فيه كلام بيني وبينكم! فتح عيوني .. ومعاها اذوني .. وزي امس .. واللي قبلهأ ! ألقى ... 
لا حول الا .. لله!! النادي الفلاني..العلاني, .. لا اللاعب الفلاني.. والمدرب.. الأجنبي! لا الحكام.. الوطني أحسن ..لا ذاك احلى! تعالوا.. بسرعة! فيه (مواجهات ملتهبة) اليوم! في الرياض وجده والقصيم والدمام وسكاكا والجوف والمدينة وحايل وابها والخرج وتربه و..
نبغى نتكلم عن كل مواجهة .. وجايكم الكلام وبالتفصيل .. والممل!
وعلى كـــــذا!! 
ويوميا ! طول النهار والليل! الاذاعات .. كل برامجها, الصحف! وبكل ميولها . برامج الانترنت وأجهزتها الثابتة والجولات المحمولة ..
برامج التوتر والفيسبوك.. البيبي.. وآلا البشر ! شباب وشابات! صحافيين وصحفيات, مذيعين ومذيعات، شعار و.. وكتاب في كل مجال ..
وفنانين وفنانات .. ومن كل بلد وبأي مستوى.. حتى رجال الدين؟ ومن كل هؤلاء .. المشهورين منهم والمغمورين..
والله! والله! أنــا من كذا شهر وعلى كذا عشرات وعشرات الاسابيع! .. صدعوا روسنا وربي !
فجروا مسامعنا! لعبوا في حسبة مخنا وراحتنا وأمزجتنا!!!
تفتح جريدة.. يطلعون لك!
باب البيت باب السيارة .
. قاعدين لك!
تفتح تلفزيون.. بايتين من البارح لك!
تفتح جوالك تلقى عشرين رسالة .. من اصحاب زاحفة: انا متصدر! وفيها صورة واحد .. منهم شايل كاس .. عند باب مطعم كبده والا
في معرض سيارات .. أو في حراج بن قاسم... وتلقاه تحت الوسادة
وعلى كذا! كل سعودي وغير سعودي والكل يبغى يصير مشهور!
يبغى؟
لا !
لازم يصير مشهور .. وعلى صحتنا النفسية والعقلية!
طيب! قولولي فين أروح؟ يا هوه! جننـتـونــــــا! بالله عليكم! لأجل الله! نبغى نعيش! نبغى نرتاح! يوم واحد .. لله! قبل معمعة ما بعد الموت! والله يرحمنا بس! من اللي نشوفه في دنيتنا هذي .. واللي جاي 
! كمان يومين بس وجاية معمعة المنتخب! يا نافوخي! آخر عصفور في راسي قام ينطنط ! يبغى يفلسع .. قبل تبدا المباريات! يــا
هــوه! كافينـــا مصايب الايجار وهوايل الاسعار؟ واللي نقراه ونسمعه كل ثانية في برامج الاخبار! مجزرة! قتل..قتل ابوه .. أخوه..صاحبه.. كفيله..أم كفيله والا بنته غير جرايم السرقة والنصب والتهريب والترويج والاختلاسات واللصوصية.. وغير جرايم الارهاب وحياة الالشك والمخاوف!! ما بقي في الراس الا شوية! وبخرتوها!! حسبنا الله! وهو نعم الوكيل!
ا
لمصيبة! ان واحد كتب ليه هشتقة! ان هذا الهرج والمرج الرياضي اليومي ظاهرة صحية؟؟ للناس وللوطن؟؟ صحية؟؟ صادرت راحتنا وصحتنا .. ويقول لي صحية؟؟ والله مدري؟؟ يمكن! لانه مصايب ناس عند بعض الناس ... فوايد! 
بيني وبينكم هذا رأيي! وبدون زعل!
الرئيسية 
التسجيل 
أحدث الصور 
دخول 
الثلاثاء يونيو 08, 2021 2:37 am من طرف 
موضوع: ظاهرة صحية؟ مدري! 