خلاص حبّـه..
**************
خلاص حبه، وتولع!
وما عاد يمدي
نهاره يهذي باسمه مع ونيـنه
وانـا أهـلّ الدموع
كل لـيــل ودي
أشـيل عناته وشـقاه لأجل عينه
****
ما عاد يفيد نوح عليه
ولا تـحدي
ولا نذوق كاسته وهم شاربينه
يا ليت من حبّها لو
مره تهدي
نـظره تشفي بـلاه وتـرد دينه
****
تفديه بنظره وهو
بالروح مفدي
ما احنـّا كارهين له ولا حاسـدينه
محتق شفاقه به
وحاله تردي
يا قلبها قاسي وهو روح سجينه
****
ولـيـت بقـلبه محبه
لو ربـع ودي
كــانها وأهــداب عيــونه شايلينه
ولكنه حبـّه وقلبه
ما هـو بـيدي
وهــذا نصيبي انكتب وخـابرينه
****
قضاي أحبه وشلت
حبه لوحدي
وهـو يحب الـلي يصـد وعايفيـنه
والـقلب والع عليه
ودوم أهـدّي
يا عش مشتاق لهَله وهاجرينه
****
أهجر فراشي وفيه
يشتد بردي
لو وسطه نارين تقيد متـناوبينه
وصار لي ثوب شقاي
وكنه جلدي
ما ينفسخ عن شــقاي دوم لابسينه
****
لأمشي صحراه بضماي
وهذا عهدي
لو ضاع عمري بسرابه محترينه
وأمد له يدين محبه
وساع ما يبدي
غريستي شـوق بآمالي زارعينـــه
*********************